ako ay isang saranggola

\ako ay tulad ng isang saranggola;

saranggolang bihirang mapalipad;

hindi pinapansin sa isang madilim na sulok;

nadudumihan, nahihirapan.

ako ay tulad ng isang saranggola;

nangangarap lumipad ng mataas;

lumapit at sa wakas ay halikan ang mga ulap;

ganyan katayog ang aking pangarap.

ako ay tulad ng isang saranggola;

ang aking katawan ay ginawa sa pagbaluktot ng kahoy;

at ang panlabas ay tinakpan ng makukulay na papel;

napakaganda, pero para sa iba ay "pwede na".

ako ay tulad ng isang saranggola;

na kapag lumipad ay nakatali;

na kapag lumipad ay nakikipag sabayan sa hangin.

pero tulad nga ba ako ng isang saranggola na hindi lilipad pag walang hangin?

ayokong maging isang saranggola;

ayokong manatiling "pwede na"

na ang aking pangarap ay imposibleng aking makuha

ayoko nang maging isang saranggola.

ayoko nang maging isang saranggola;

gusto kong lumipad ng mataas at makarating sa lugar na aking pangarap

gusto kong ipagmalaki ng aking manggagawa

hindi ako saranggola na "pwede na" ako ay saranggolang "ako na!"